عسى ما زعلتك البارح وزودت الجراح جراح

عسى ما مرت الدمعة على أهدابك من أسبابي

جرحتك من كثر شوقي وخليت الكلام رماح

ولادري شلون ياعمري طعنتك حيل بعتابي

بدون شعور صدقني ترى كثر الغلا ذباح

تعال وشوف بغيابك غلاك شلون سوابي

حرام تغيب من عمري وتعطيني الفراق وشاح

حرام الدمع في عيني مناديله هي أهدابي

غيابك يشغل عيون الزوايا وأمتلي أشباح

وأنا أنثر صوتك بقلب المكان وأشعل أبوابي

تلفت للأمل دام الرجا في عمري الملواح

أناديلك ولو شرهة وصولك تقطع أعصابي

أبيك الجاي من عمري أنا مابيك شي وراح

مدامك أجمل وأخر مدامك أول أحبابي

أبي أرتاح ياعمري أنا أدري هم تبي ترتاح

تعال وقبل ما أفرح ترى تفرح بك ثيابي

أحبك يا بعد عمر الحزن والجرح والأفراح

أحبك كثر ما نامت عيونك داخل أهدابي

__--__--__--__--__--__--__--__--__

a.منقـــــــــــــــــــــــــــــــول.a

صح لسان قايلها ولا هنتي ع النقل

كلمات في قمة الروعه

انتقاء رائع كروعت تواجدك

يعطيك الف عافيه


انتظر جديدك لاعدمناكِ

اصداف..

تسلمين ع هالقصيدة الحلوة..

الله يعطيج العافية..كلج ذوق يالغلا..

ننتظر جديدج..

تـحـيـاتـي..

حماد ابو شامه

+

تعب قلبي

+

عاشقة الدلع



أشكـــــــــر لكــم تواجــدكــم الـذي أضـاء لـي

صفحتـــــــــــــــــــــــــــــــــــي



تحيــاتـــــــaــــــــــــــــــــــــــي"

مررع حلوه الله يعطيك العافيه

مشكورة صدوفة لاهنتي ياعمري على النقل